Eguneko erdiko orduetan 500-600 metrotara egingo du, baina azken orduetan berriz ere 300 metrotara jaitsiko da, puntualki beherago egin dezakeelarik. Ipar haizeak oso zakar joko du eta tenperatura jaitsi egingo da, nekez gaindituko dituztelarik 5-7 graduak.
Giro hotza izango dugu bihar. Goizean oraindik euri zaparrada batzuk izango dira eta elurra ere maila baxuetan agertuko da, 300 metroren bueltan kokatuz, uneren batean beherago egin dezakeelarik. Eguerditik aurrera atertzeko joera hartuko du eta, nahiz eta, uneren batean tantaren bat edo beste bota, orokorrean ateri eutsiko dio. Elur-maila arratsaldean 500-600 metrotan kokatuko da. Ipar-mendebaldeko haizeak bizi jotzen jarraituko du eta tenperaturak 6-8 gradutan joko du goia.
Egun osoan zerua estalita egongo da eta euri zaparradak ugariak izango dira, non mardul botako duen eta tarteka ekaitzak joko duen, kazkabar eta guzti. Elur-maila goizean goiz 300 metrotan kokatuko da.
Erlazionatuak
Negu beteko giroa
2022 api 01
Tolosaldea
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!
EGIN ATARIKIDE!