Giro iluna baina epelagoa

Erabiltzailearen aurpegia

Zerua ilun agertuko da egun osoan eta tarteka euri pixka bat izango dugu. Euria gehienbat goizean izango dugu, non orduan zaparrada mardulagoren bat edo beste izango den.

Eguneko erdiko orduetan eta iluntzera arte giroa lasaiagoa izango da. Egun amaieran berriz ere euri pixka bat sartuko zaigu mendebaldetik. Haizeak hego-ukitua izango du, tarteka zakar joz eta tenperatura maximoak igo egingo dira, 12-14⁰C-tan joaz goia.

Osteguna (urtarrilak 30)

Giroak hobetzera egingo du. Goizean goiz oraindik zerua estalirik agertuko da eta euri pixka bat izango dugu. Goiz erdirako ordea erabat atertu eta ostarteak zabalduko dira, arratsalde partea giro argiagoarekin geratuz. Haizeak hegotik joko du, tarteka bizi eta tenperatura maximoak nabarmen xamar igoko dira, eguneko erdiko orduetan 15-17⁰C bitartean joaz goia.

Albiste hau ATARIKIDEei esker argitaratu dezakegu. Haiei esker Tolosaldeko albisteak libre, euskaraz eta kalitatez irakurtzen dituzu. Horrela izaten jarraitzeko eman babesa Tolosaldeko Atariari eta ZU ERE IZAN ZAITEZ ATARIKIDE.

#EgitenDuzunaGara


EGIN ATARIKIDE!