Tenperaturak gora egingo du

Erabiltzailearen aurpegia

Hego-haizea bueltan izango dugu, eta horrekin, tenperaturak ere gora egingo du. Arratsalde partean, gainera bizi xamar ibiliko da haizea. 19-21 graduan kokatuko dira maximoak.

Biharkoan, hego-ekialdeko haizeak bizi jotzen jarraituko du, eta tenperaturak pixka bat gora egingo du 20-22ra igo arte. Orokorrean giro urdina nagusituko zaigu.

Igandean, haizea ekialdetik finkatuko da eta tenperaturak zertxobait behera egingo du. Maximoak 19-21 graduan geratuko dira. Arratsaldean hodeiak sartuko dira, baina ez dute ondoriorik ekarriko.

Astelehenean ipar-haizea bueltan izango dugu, eta tenperaturak zertxobait behera egingo du. Arratsaldearen erdialdera arte garbiago izango dugu zerua, eta ondoren hodeiak nagusituko dira.

Badirudi asteazkenetik aurrera ezegonkortzera egingo duela.

Tolosaldeko albisteak euskaraz, libre eta kalitatez jasotzea nahi duzu?

Horretarako zure babesa ezinbestekoa zaigu. Egin zaitez Atarikide!


EGIN ATARIKIDE!