Bigarren urtez jarraian antolatu zen bertso-afaria Kantabrikon. Danel Etxeberria tolosar gazteak sparring on bat behar zuela-eta, Andoni Egañarekin batera jarri zuten kantuan 2024ko ekainean, eta errepikatu egin zuten 2025ean.
Lehen zatia librean egin zuten; ondoren, Jea Jeaka kultur elkarteko Manex Urruzolak hainbat gai jarri zituen tartean atsedenerako tartea utziz; eta, amaitzeko, berriro librean aritu ziren. Bertso-afariko zati eder batekin osatu dugu irratsaioa.
