Finalerdietako saio bakoitzerako bi sarrera zozketatuko dira (H)ari Naizela irratsaioan; eta, bigarren saioa, Zarauzkoa da, azaroaren 24an izango da, eta Unai Mendizabal zizurkildarrak kantatuko du bertan. Zozketan parte hartzeko whatsapp audio mezua bidali behar da 695 76 28 43 zenbakira, eta aste honetan asmatu beharrekoa honakoa da: Jon Gurrutxagak Tolosako saioan Nerea Elustondorekin osatu zuen zortziko txikiko bertso bat entzun dugu, eta hitz bat kendu diogu bertso horri; bada, zozketan parte hartzeko hitz hori asmatu behar da, eta asmatzaileen artean egingo da zozketa. Asmatzailerik ez balego, parte hartzaile guztien artean zozketatuko da.
Jon Gurrutxagaren agurra:
Txanpiñoiak erosi dio
apal-apal,
Nereak ze aurpegi
Nereak ze azal,
Uzturre korritu du
luze eta ___________,
holaxe ibiltzen da
natural-natural.
Bidali audio mezua esanaz nor zaren, nongoa eta Unairi kendu diogun hitza zein den, azaroaren 20ko 16:00ak baino lehen.