Ibarran Joanes Zubia Aranalde gaztea jardun zen gai-jartzen, lehen aldiz herriko festetan. Haren aginduetara, Harituzeko bost bertsolari: Unai Mendizabal, Oihana Iguaran, Amaia Agirre, Iñigo Gorostarzu eta Jexux Mari Irazu. Amezketan, berriz, Imanol Artola Arretxe "felix" aritu zen gai-jartzaile lanetan, azken urteetan ohikoa den bezala, eta honakoa izan zen kantuan jardun zen seikotea: Bixente Gorostidi herritarra, Anjel Mari Peñagarikano, Sustrai Colina, Nerea Ibarzabal, Maialen Lujanbio eta Jexux Mari Irazu.
Amezketan eta Ibarran abuztuaren 24an izaten dira bertso-saioak, eta bertsoaldi horiekin osatu dugu irratsaioa.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!