Bertso-eskola atondu zuten Gureako oholtzan: mahaia, arbela, erratzak, bertso-liburuz jositako apalategiak... eta bertso-eskolarik behar ez duten bost bertsolari kanturako prest: Oihana Iguaran, Anjel Mari Peñagarikano, Andoni Egaña, Maialen Lujanbio eta Sustrai Colina; irakaslea, Imanol Artola "Felix".
Bertso-eskola ardatz hartutako saioa izan zen, bertsoaldi guztiek, gai guztiek zuten zerikusia bertso-eskolarekin, gehiago edo gutxiago. Bertsoaldi hautatuak entzun ditugu irratsaioan.
