Ekainaren 23an, San Joan bezpera egunean, ohikoa bilakatu da abaltzisketarrentzat Larraizko bertso-bazkarira joatea. Aurtengoan Maialen Lujanbio, Iker Zubeldia eta Julio Soto izan dira bertsolariak, eta ordubete pasatxoko saioa osatu dute hiru bertsolarien artean.
Ekainaren 25ean, berriz, Tolosako bertso-saioa izan da. Tolosako San Joanetan ere bere lekua aurkitu du bertsoak, igande eguerdiz, Berdura plazan, lau bertsolariko saioa. Aurtengoan Tolosaldeko bertsolariak izan dira protagonista: Iker Iriarte alegiarra izan da gai-jartzailea, Amaia Agirre, Jexux Mari Irazu eta Unai Mendizabal bertsolariak, baita Maialen Lujanbio hernaniarra ere.
Bi bertso-saioetako zenbait bertsoaldirekin osatu dugu irratsaioa.