Martxoaren 11n eta 12an, martxoaren 8aren ondorengo asteburuan Berastegin eta Bidania-Goiatzen bertso-saioak izan ziren. Larunbatean minbizia oinarri hartuta, Tabuen kutxatik oholtzara bertso-saio musikatu berezia antolatu zuten, Amaia Agirrek gidatuta. Udaletxeko ganbara bete jende elkartu zen Inurri Elkarteak eta Berastegiko Udalak antolatutako bertso-saioan. Amaia Agirrek saioa gidatu zuen, eta harekin batera minbizia gertutik bizi izan duten hainbat norbanako aritu ziren gai-jartze lanetan, tartean herritar batzuk. Igandean, berriz, Bidania-Goiatzen bertso-bazkaria antolatu zuten Bidaniako ostatuan eta Oihana Iguaran eta Ane Labaka aritu ziren kantuan, 40 lagunetik gorako kuadrilla alaituz.
Irratsaio amaierako kantua: Nola edan euria (hitzak: Leire Bilbao, musika: Jabier Muguruza).
