Urriaren 28an antolatu zuten bertso-afaria Amezketako Zazpiturri Elkartean, Amezketako Gazte Taldeak eta Zazpiturri Elkarteak elkarlanean. Urriko azken ostiral gau hartan Eneko Araiztegi "Korta" eta Aratz Ibarzabal "Potto" izan ziren kantuan.
Azaroaren 26an, berriz, Berastegiko Urepele Elkartean urteroko gaztain-jatea antolatu zuten, baina, kasu hartan, gaztainik gabe, eta beti bezala, bertsolari parearekin. Iazko udazkenean Haritz Mujika asteasuarra eta Jexux Mari Irazu larrauldarra aritu ziren kantuan, eta herriko bertsolariren batek eta edo bestek ere kantatu zituzten bertsoak.
Irratsaio amaierako kantua: "Garai galduak" (Hitzak eta musika: Ana Arsuaga).