Joan den asteburua Asteasuko Otabardi Aterpetxean igaro dute Tolosaldeko 40enbat bertsozalek; bertan izan dira bertso-eskoletan dabiltzan 9 eta 18 urte bitartekoak, eta harituztarrek egin dituzte begirale lanak.
Asteburu horretan ez da bertsorik falta izan: iritsi ordurako bertso-eskola bakoitzak bere burua bertso bidez aurkeztu behar izan du, bertso-sariketatxo bat ere egin dute; eta larunbatean bertso-bazkaria izan dute Julio Sotorekin eta Nerea Ibarzabalekin, eta, nola ez, gazteek ere kantatu dute bazkalostean. Hori guztia eta gehiago batu dugu irratsaio honetan.