Bi bertsolari, bi izaera, eta bi bizipen; bakoitzak berea. Danelek lehen txapelketa izan du aurtengoa, eta espero gabe sailkatu da finalera; beraz, finalean presiorik gabe kantatu du. Jonen kasua, berriz, ezberdina da: hirugarren txapelketa izan da aurtengoa, iaz ere finalean kantatu zuen; eta nahiz eta ez zeukan berriz finalera sailkatzeko presiorik, Danelek baino urduriago bizi izan du finala, baita aurreko aste guztia ere.
Biekin aritu gara hitz eta pitz, eta finalean biek ala biek kantatutako zenbait bertsoaldi entzun ditugu elkarrizketaren tarteetan.
