Azaroaren 20an, EUSKARALDIAren lehen egunean, ...nahi dugu hitz eta jolas... EUSKARALDIAko bertso-saio tematikoa eskaini zen Amasa-Villabonako Gurea antzokian: Jone Uria eta Sustrai Colina aritu ziren kantuan, Imanol Artola "felix"en esanetara.
Azaroaren 28an, azaroaren 25aren osteko lehen larunbatean, berriz, Alegiako Eztanda Talde Feminista sortu berriak bertso-saioa antzolatu zuen bertako Elizpe antzokian: Ainhoa Ontsalo gai-jartzaile eta Saioa Alkaiza, Itsaso Piquer eta Maider Arregi bertsotan.
Euskara eta feminismoa bai, baina gai gehiago ere bai: umorerako eta bestelako gaiak jorratzeko aukera izan zen bi bertso-saioetan eta guztia bildu dugu (H)ari Naizelaren 190. programan.
Irratsaio amaierako kantua: Oi lur, oi lur (Hitzak: Xabier Lizardi; Musika: Benito Lertxundi).