VI. Pello Mari Otaño bertsopaper lehiaketako gelen arteko mailan, Amezketako Zumadi Eskolakoek irabazi zuten eta Bixente Gorostidiren ikasleek Amets eta Maddalen Arzallusen bisita jaso zuten. Bisita horretako bertsoaldiak entzun ditugu irratsaioan eta baita, maiatzaren 8ko eta ekainaren 2ko online saioetako bertsoaldiak ere, bi saioetan haurrak eta gaztetxoak izan baitziren hartzaile.
Aurrez ordea, Oihane Artolarekin hitz egin dugu, Altzon izan berri duten gai-jartzailetza ikastaroaren berri ematen. Maite Berriozabalekin gai-jartzailetzari genero ikuspegitik begiratu zioten eta Altzoko bertso mugimenduaren eta ikastaroak jasotakoaren berri eman digu.
Irratsaio amaieran, Amezketako Zumadi Eskolako ikasleen bertso sorta entzun dugu.
Ondo bidean, irailaren 16an itzuliko da (H)ari Naizela-ren denboraldi berria, 180. irratsaioarekin.