(H)ari naizela

Antton Iztueta: «Hamar urte pasa nituen, denbora librean, euskarazko programak VHSan grabatzen»

Antton Iztueta "Anbune" izan dugu gurean, gure hainbat bertso saio grabatu ohi dituena eta tartean Altzoko San Inaziotako bertsoaldiak entzun ditugu.

Antton Iztueta "Anbune" abaltzisketarra da, nahiz eta urte luzez Altzon bizi den. Betidanik izan da euskaltzalea eta artxibategi handiak sortu izan ditu: hasi kantuetatik, ETBko programak, bertso saioak, hitzaldiak eta herri-kiroletaraino. 60 urte paseak dituen arren, haur baten ilusioa nabari zaio hainbat kantutan.
 
Langile nekaezina da eta gaur egun yotuben bere "Anbune" kanalean aipatu diren hainbat eta hainbat emanaldi zintzikatzen ditu. Ordu eta erdiko irratsaioa eta gu behintzat ez gara aspertu berarekin hizketan, jarraituko genukeen.
 
Hitz eta pitzen artean, Altzoko San Inaziotako saioko bertsoaldi batzuk entzun ditugu: Maialen Lujanbio, Aitor Mendiluze, Andoni Egaña, Sustrai Colina, Haritz Mujika eta Oihana Iguaran; Manuel Olanoren esanetara.

Albiste hau ATARIKIDEei esker argitaratu dezakegu. Haiei esker Tolosaldeko albisteak libre, euskaraz eta kalitatez irakurtzen dituzu. Horrela izaten jarraitzeko eman babesa Tolosaldeko Atariari eta ZU ERE IZAN ZAITEZ ATARIKIDE.

BATAK BESTEA DAKAR


EGIN ATARIKIDE!