96. irratsaioak bi zati izan ditu. Lehenean martxoaren 11n Berastegin ospatu zen Ez da kasualitatea bertso saioko bertsoaldi batzuk entzun ditugu. Oihana Iguarain, Uxue Alberdi eta Onintza Enbeita kantuan; Amaia Agirre gai jartzen eta Gari Otamendi musikaria.
Lehen zatitik bigarrenerako trantsizioan Maria Magdalena Lertxundi (1795-1867) asteasuarraz gordetako pasartea ekarri dugu gaur egunera eta segidan, beste asteasuar batekin jarraitu dugu: Haritz Mujika Erniarraizko txapeldunaren finaleko bertsoaldiekin. Bere finaleko bertsoaldi guztiak entzun ditugu eta amaiera Mikel Urdangarinen "Non geratzen den denbora" kantuak, Jon Maiaren letra duen kantuak, eman dio irratsaioari.