Hainbat alorretan da aritua: dantza, saskibaloia, musika, bertsolaritza... gaur bere alderdi guztiei buruz punta ateratzeko eskatu diogu baina, batez ere bertsolaritzaz hitz egin dugu berarekin. Bere bertso ibilbidea, zaletasunak, une onak eta txarrak... Martxoan Oargin ospatutako ipuin-bertso bazkariko bertsoaldiak entzun dira.
Galdera bat egin eta minutu luzez jardun zaigu mutila. Elkarrizketa tarteetan Intujai Teatrok urtero antolatzen duen Ahoz aho jaioaldiko azken ekitaldia ekarri dugu uhinetara. Ibai Esoain, Amaia Elizagoien eta Ekaitz Goikoetxea bertsolari eta ipuin kontalariak jardun ziren Felixen aginduetara martxoko azken egunean, Oargin. Bertso-ipuin bazkari xelebre horretako hainbat bertsoaldi entzun ditugu.
Amaitzeko, Xabier Leteren azken kontzertuko diskoan aurki dezakegun kanta bat. Xabier Leteren letra eta Karlos Gimenezen musikarekin, Henry Millerri eskutitza.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!
