Gipuzkoako Herriartekoak atsedena duen honetan, bestelako sariketa batzuk jokatu dira, tartean Osinaldeko finala. Bertan, Unai Mendizabal izan zen txapeldun eta beraz, Osinaldeko finaleko bere bertsoaldi guztiak izan dira saioaren bizkarrezur. Horrez gain, Iker Laso altzotar bertsozalea izan dugu gure artean. Aurtengo Gipuzkoako Herriartekoan Alegiko 7 astoren gainean taldekoen epaile lanetan aritu da. Epaile lanak bakarrik ez, Altzoko saioko gaien prestaketan hartu ohi du parte eta eskualdeko bertsolaritzak behar duenean antolakuntzan laguntzeko prest izaten da beti. Bere garaian bertso saioren batean edo bestean ere kantatua dela esan digu baina, nahiz eta bertso munduarekin harremana ez eten, ez zuela bertsotan segi.
Amaierako abestia berriz, Iker Lasok eta Iñaki Olanok egindako letrak oinarri dituena da, Zazpi astoren gainean bertso eskolak ateratako Hustukixkiu diskoko hirugarren kanta hain zuzen: Ordago.
Unai Mendizabalek Osinaldeko sariketan botatako bertsoak
2017ko mai. 4a, 10:28
Elkarrizketa berriz, Iker Laso altzotarrari egin diogu.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!