Ander Malbadi, Hauspo Artean irratsaioko esataria izan da gurean. Izan ere, honek hauspoa modu askotan lantzen du: bertsotan, kantuan, antzerkia, trikiaz... inoiz saio ofizial batean kantatu ez badu ere, bertsol eskolan ibili izan da eta hainbat bertso-bazkari eta bertso-afari alaitu ditu berak trikitixarekin. Jendaurreko emanaldi mota ezberdinez hitz egin dugu berarekin.
Horrez gain, Ataria bertso saioko bertsoaldiak entzun ahal izan ditugu eta Beñat Iguaranek Trump-ekin gure buruari egiten diogun tranpaz kantatu digu Sutondotik.
Amaitzeko, Ander Malbadik berak aukeratu du amaiera kantua: Elgeta (Iker Goenaga). Maialen Lujanbiok sortutako "Norbere mundu intimo" doinuaren oinarrian dagoen kanta hain zuzen.
Eta ez ahaztu asteburu honetan bi zita dauzkagula Gipuzkoako Herriartekoan:
Otsailak 10, ostirala: Zazpi astoren gainean (Alegia) vs. Aizkorpe (Ataun-Segura) Alegiako Gaztxean, 21.00etan zahagi ardoa eta gero.
Otsailak 10, ostirala: Zazpi astoren gainean (Alegia) vs. Aizkorpe (Ataun-Segura) Alegiako Gaztxean, 21.00etan zahagi ardoa eta gero.
Otsailak 12, igandea: 26+ (Tolosaldea) vs. Debagoiena Anoetako Kuku Elkartean, 14.00tan bazkaria eta 17.00etan bertso saioa.
Eta Otsailak 11ko (H)ari naizela irratsaioan Alegiako kanporaketako bertsoaldiak entzuteko aukera izango dugu Maialen Oiarzabal Zazpi askoren gainean taldeko antolatzailearekin.