«Belaunaldi batzuei falta zaie ezagutzea bertsolari izatea prestigio iturri ez den garaia»

Unai Mendizabalek III. Pedro Mari Otaño bertso-paper lehiaketaren berri eman digu.

Aitor Mendiluze, eskualdeko bertso palmaresik oparoena duen bertsolaria izan dugu gurean. Bertsolaria, hezkuntza arautuko irakaslea, eragile izana eta kritikoa. Batez ere bere buruarekin. Zorroztasuna du: "bertigoa bilatzen diat, baina beti bilatu izan diat. Ariketa baten aurrean sekula ez erosotik jo".

Elkarrizketa interesgarria eta gogoeta interesgarriak utzi dizkigu: "ibilbideko puntu batean nago, ez gorago, ez beherago" edota "belaunaldi batzuei falta zaie ezagutzea bertsolari izatea prestigio iturri ez den garaia, non proiektuetan sinetsi egin behar den eta lan zikin asko egin behar den".

Entzundako bertsoaldiak: II. Mallabiako bertsolari gazteen sariketako lehen finalaurrekoa.

Amaiera kantua: "Zoaz hegan" (Triki ta ke)

III. Pedro Mari Otaño bertso-paper lehiaketaren informazio gehiago: http://ataria.eus/zizurkil/1477590970891)

Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!


EGIN ATARIKIDE!