Ahate ama zazpi kumeekin ikusi zituen lehengoan Oria ibaian Jon Ander Galarraga biologoak. Berak kontatu digunez, kumeetako bat horia zen. "Horia bazara errazago ikusiko zaituzte harrapariek, eta hori bere anaientzat abantaia izango da; badirudi anaia hori besteen onuragatik sakrifikatua izan dela". Sakrifikatzailearen irudi hori ikuspuntu ebolutibotik ikaragarria dela azaldu du. Amazoniako tximuetan ere antzeko adibidea topa dezakegula kontatu digu: "taldean daudenean, arriskua somatzen dutenean, tximu bat oihuka hasten da, harraparia nolabait lehenago berarengana joan eta besteak salbatzeko".
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!
EGIN ATARIKIDE!