Bi astero agertu beharko du epaitegian, eta ezingo du biktimarengana hurbildu, Berria egunkariak argitaratu duenez.
Igandean, emakume adingabe batek salatu zuen goizaldean bortxatu egin zutela Tolosan (Gipuzkoa), eta Ertzaintzak 20 urteko gizonezko bat atzeman zuen herenegun bertan, sexu erasoaren egilea delakoan. Eusko Jaurlaritzako Segurtasun Sailak jakinarazi duenez, goizean eraman dute epailearen aurrera, eta arratsaldeko bostak baino minutu batzuk lehenago askatu dute.
Hala ere, hilaren 1ero eta 15ero joan beharko du epaitegira, eta adingabearekiko urruntzeko agindua ezarri dio epaileak.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
