Elkartea ez dago geldirik egoteko, eta horregatik jarri diote “Jubilatuta bai, baina geldirik ez” izenburua sortu duten antzezlan berriari. Testua Antton Amondarainek idatzi du eta zuzendaritza Eneko Goitiaren esku egon da. Jubilatu eta jubilatu gabeko askok hartu du parte antzezpen honetan. Beren esanetan, ez omen dira oso trebeak antzerkigintzan, baina tartetxo alai bat eskaini nahi izan diete guztiei, gazte, heldu eta jubilatuei. Hiru atal ditu antzerki-lan honek: lehena ‘Bazkaloste bizia’; ‘Mus partida emankorra’, bigarrena eta azkena, ‘Tertulia aberatsa’ deitu dutena.
Duela hiru bat urte eratu zen “Elordi” Jubilatu Elkartea Amezketan. Harrezkeroz saiatu da jubilatuen behar batzuei erantzuten eta herritarrei ere zenbait ekimen eskaintzen.
ATARIA ez da soilik komunikabide bat: komunitate baten ahotsa da, eta urte hauen guztien ondoren, zuen babesa behar dugu, inoiz baino gehiago: ATARIAk behar du Tolosaldea. Horregatik erronka bat daukagu esku artean: gure eskualdeko 28 herrietan hamarna harpidedun berri behar ditugu. Zu falta zara, bazatoz?
EGIN ATARIKIDE!