Agurren ondoren ekin zaie ariketa puntuagarriei: librean talde bakoitzeko bana; hamarreko txikian ofizioka; oinak emanda; zortziko txikian eta handian ofizioka; puntu-erantzunak; koplaka, talde bakoitzeko bana; talde bereko denak, gaia emanda; eta amaitzeko, talde bereko denak puntuka, gaia emanda. Boskatuk 14 puntu lortu ditu eta Urretxu-Zumarragak, 16. Antzokia jendez gainezka egon da eta giro ikusgarria sortu da bertan.
Herriarteko Bertsolari Txapelketako Finalaurdena jokatu da Zaldibiako Antzokian. Tolosaldea ordezkatuz, Alegiako Boskatu taldea aritu da eta Goierri ordezkatuz, berriz, Urretxu-Zumarraga 1 taldea. Hona hemen partaideak: alde batetik, Iker Arandia, Eneko Ontsalo eta Iker Iriarte; Bestaldetik, berriz, Antton Fernandez, Manex Mantxola eta Mikel Iturriotz. Gai-jartzaile eta gidaritza-lanak Leire Akizuren esku egon dira.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!
EGIN ATARIKIDE!