Amaia Agirre gai-jartzailearen esanetara lau bertsolariren emanaldia burutu da Hernanin Biteri kultur etxeko aretoan. Bertan izan dira Uxue Alberdi, Nerea Ibarzabal, Ane Labaka eta Onintza Enbeita, Ixak Arruti eta Gari Otamendi musikarien laguntzarekin.
Honelakoa izan da lehen bideo honetako bilakaera:
1-Hasierako agurra.
2-Onintza eta Ane. Ideologia ezberdin duten bi lagun min dira eta ‘Maixabel’ filma ikustera joan dira… Onintza mesfidati baina Anek mirestu egiten du Maixabelek egin duena.
3-Uxue eta Nerea. Itsasoari begira daude, 10 bat metrotako tartearekin. Uxue jubilatu berria den Arrantzale euskalduna da. Nerea, berriz, itsasoa zeharkatu duen afrikar gazte langabea.
4-Laurak. Lau esaldi irakurri ditu Amaiak. Esaldi bakoitza zein bertsolariri doakion ongien ikusleek hautatu dute.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!
