Bertso-saio musikatua burutu da Usurbilgo Kalexar auzoan, San Juan egunez. Sei lagun aritu dira oholtza gainean: Gari Otamendi eta Ixak Arruti musikariak, Amaia Agirre gai-jartzaile lanetan; Unai Iturriaga, Nerea Ibarzabal eta Maialen Lujanbio bertsotan.
Segidan, kantagai izan dituzten gaiak aurkituko dituzu azken bideo honetan.
1-Unai eta Maialen, 14 urteko neska-mutilak dira eta bizilagunak. Gaur elkarrekin bazkaldu dute eurek eta euren gurasoek. Postrearen ondoren altxatzeko keinua egin dutenean, Unairen amak hala esan dio Unairi: “Elkarrekin etorri etxera, eh!, eta Maialen lagundu etxeraino!”. Unai oldartu egin da.
2-Unai eta Nerea bi jubilatu dira. Astelehena noiz helduko zai daude leku irekietan musukoa kentzeko aukera egongo delako. Azkenik, bazen garaia!
3-Hirurak puntutan.
4-Azken agurreko bertsoak.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!
