Jon Maiak “Hezurbeltzak” deituriko proiektua landu du beste bi musikarirekin batera, baita diska argitaratu ere. Diskan datorren “Belarrimotzak” kanta entzun ondoren, zein mezu zabaldu nahi duten galdegin dio Lujanbiok Maiari. Segidan, ezkutuko hitzak asmatzen jardun dute, bi bakoitzak: Jon Maia, txapela, morea eta erre. Hemendik aurrera, euren kasa jardun dute bertsolariek. Hauteskundeak datoz eta gai horren inguruan egin dute saiotxo bat.
Lizartzako Txirrita Elkarteak bertso-afaria antolatu du eta lan hori burutzera Maialen Lujanbio eta Jon Maia bertsolariak gonbidatu dituzte, iazko bertsolari berberak. Elkartea lepo bete da eta… arrain, haragi eta abarrez ongi hornitu ostean ekin diote bertsolariek. Bi saio burutu dituzte, eta denera bi ordu pasatxo aritu dira jendearen belarriak gozatzen.
Erlazionatuak
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!
EGIN ATARIKIDE!