Pentsatu dut eranzteko asmotan jantzi dituela parpailadun kuleroak. Badaezpada, nor-nork kendu behar badizkio; edo nor-noren aurrean biluzi behar badu, zer gerta ere. Eta ilea ere intentzio horrekin kendu duela pentsatzen dut, gaua izara artean biluzik eta argiak itzalita, ezer ikusten ez baina ukituaren ukituz asko imajinatzeko balentrian bukatzen badu edo. Kulero fin-finak jantzi eranzteko eta ileak kendu iluntasunean ezkutatzeko.
Medikuarenera joatearen pareko. Gripeak jota zaudela, dutxako ur beroaren azpian jartzea esfortzu neurrigabea denean, azpiko arroparik txukunena aukeratzera behartuta sentitzen zara, gazteagoa zinela amak estreinakoz janzteko baten bat zenuela gogorarazten zizula akordatzen duzunean.
Jantzi-erantzi berriena jarri, alta, medikuak barruko arropari jaramonik ez egiteko.
Ni ohartzerako jaso ditu belaunetaraino jaitsita zituen kuleroak.
- Aio lehor batekin agurtu da.
- Agur hotz batekin erantzun diot, konturatu bainaiz konturatu gabe X-ek ez begiratzeko eskatu eta ni berari begira-begira nengoela.
Begira, ezer ikusi gabe, ordea; buruan medikuarenera azkenekoz joan nintzenean jantzi nituen galtzerdi zulatuak baineuzkan.
II. Kuleroak
2017ko ots. 12a, 20:05
Lentzeria beltza du. Puntilladuna. Ia zilborra tapatzen dio. Gurasoak pozik izango ditu, gerribuelta ondo babestua baitu. Goxo. Ipur masailak, ordea, bistan. Hori ez dute horren gustukoa izango: ipurdia bistan, agerian. Agerikoa da ilea kendu duela; ondo kendu, gainera. Ipur masailen arteko arrakalan ere ez du bilorik.
Erlazionatuak
I. Kuleroak
2016 abe 11
Tolosa
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!