Bigarren itzuliko lehen partida jokatu zuten Lauburuko emakumeak ostiralean, etxean. Eskoriatzaren aurkako partida aldeko hasi zuten, 1-0 emaitzarekin. Atsedenaldirako berdinketa lortu arren (1-1), markagailua iraultzea lortu zuten ibartarrak 4-1eko emaitza eginez. Dena den, azpimarragarriena ez zen garaipena izan, zalegoa baizik.
Partidak bi zati izan ohi ditu beti, lehen zatia eta bigarrena. Ostiraleko partida ere bi zati horietan banatuko genuke jokoari dagokionean. Lehen zatian jokoa kaotikoa izan zen, nahasia. Hala ere, lehen gola sartzea lortu zuen Lauburuk, markagailuan aurrea hartuz. Eskoriatzakoek ordea, berdintzea lortu zuten. Partida ero zegoen. Joko garbirik ez, baina, hala ere baloiaren nagusitasuna eta partidaren kontrola izan zuten etxekoak.
Bigarren zatiarekin etorri zen aldaketa. Joko ordenatuago bat egiten hasi zen Lauburuko lantaldea, are nagusiagoak izaten. Era honetara iritsi ziren golak, hiru hain zuzen. Markagailuan abantaila handitu ahala txikitu zen aurkaria eta lehen aldiz, Eskoriatzako taldea mendean hartzea lortu zuen Lauburuk
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
