Errendimenduari eragiten dion faktore oso garrantzitsua da nutrizioa; egunero errepikatzen den ohitura baita. Dena den, nutrizioaren eta desnutrizioaren arteko marra gero eta ikusezinagoa bihurtzen ari da egungo gizartean. Helburuak nahasita, burua galdu arte.
Osasuntsu jateak indartsu egiten omen zaitu. Baina, zer da osasuntsu jatea? Nola jan beharko genuke errendimendu ona izateko? Horrenbeste eragin lezake? Eta, lesioetatik sendatu gaitezke egoki elikatuz gero? Zalantza horiei guztiei atsegin handiz erantzun digu Aitor Ugalde Ansa (Andoain, 1991) kirol-nutrizionistak. Aipatu berri diren galderei erantzuteaz gain, mitoez, amenorrea hipotalamikoaz, elikaduran aintzat hartu behar diren ezinbesteko elementuez eta beste milaka konturen inguruan ibili gara hara eta hona. Zeren zain zaude? Entzun lehen denboraldiko azkena.