Mugikortasuneko eta Lurralde Antolaketako Batzordean agerraldia egin du Ana Jesus Leundak, eta Laskibar eta Ibaiondoko autobus geralekua "berrezartzeko" eskatu dio Aldundiari bertan.
2017ko uztailaren 7an istripu larria izan zen bertan, autobus eta kamioi baten artean, eta ondorioz, geralekua kendu eta alboko industrialdera mugitu zuen Mugikortasun Sailak.
Eskaera bidez funtzionatzen du, ordutik, geraleku alternatibo horrek. Bada, agerraldia aprobetxatuz, Irurako alkateak "zerbitzuaren kalitatea bermatzeko" eta "maiztasuna mantentzeko" eskatu dio Aldundiari.