Gaztezulo gaztelekuaren 10. urteurrena ospatzen ari dira gaur Ibarran. Goizean egin dute txupinazoa eta Azkue plazan puzgarriak jarri eta aurpegi margotzeak egin dituzte.
Eguerdian, berriz, Azkuetik abiatuta buruhandi eta erraldoiekin batera kalejira egin dute Bartolero txarangarekin. Plazan egin dute bazkaria, eta bazkalostean, Janus Lester musikaria aritu da kontzertua ematen. Alboan izan du pianoan, Garazi Esnaola lizartzarra, Janus Lester proiektuan taldekide duena.
Eguna bukatzeko bingo musikatua izango da plazan, eta Muxutruk taldearekin erromeria ondoren.