Jaiak ofizialki hasi bezperan, festan murgildu dira Ibarrako gazteak. Ibarrako Gazte Asanbladak antolatuta, II. Gazte Eguna ari dira ospatzen, San Inazio auzoan. Eguerdian, 140 lagun inguru elkartu dira mahaiaren bueltan, bertan egin duten paella dastatzeko. Ondoren, jolaserako tartea izango dute, eta 18:30ak aldera, Debrass Band taldearen musikarekin ibiliko dira herriko kaleetan barrena. Afalostean gaztetxean kontzertuak izango dituzte, 22:30ean: Mehatxuka eta Ukabil. Eta festa gehiago nahi duenarentzat DJa izango da jarraian.
Ibarrako Gazte Asanbladak, festetarako ere egitaraua antolatu du.