Ibarratik ere igaro da gauean Korrika; ehunka euskaltzalek egin dute bat euskararen aldeko ekimenarekin. Afal orduan izan bada ere, giro ederra bizi izan da bertan, eta Euskal Herria kalea behetik gora zeharkatu duenez, herritar ugari inguratu da ikustera. Aurten, gainera, euskararen aldeko beste festa bat ospatuko da Ibarran: Kilometroak. Bada, izenari omen eginez, jende ilara luzea eraman du atzetik Korrikaren furgonetak.
ATARIA ez da soilik komunikabide bat: komunitate baten ahotsa da, eta urte hauen guztien ondoren, zuen babesa behar dugu, inoiz baino gehiago: ATARIAk behar du Tolosaldea. Horregatik erronka bat daukagu esku artean: gure eskualdeko 28 herrietan hamarna harpidedun berri behar ditugu. Zu falta zara, bazatoz?