Ibarrako plazako estalpean ez zen pertsona bakar bat gehiago ere kabitzen atzo iluntzean egin zen Galtzakomik lehiaketako sari banaketan. Aulki guztiak beteta ekin zioten ekitaldiari eta sariak jasotzeko irrika nabari zen askoren aurpegietan.
Txandaka eta banan-banan, sariak jasotzeko tartea hartu zuten parte hartzaileek. Amaieran, talde argazkia atera ostean, kultur etxean jarri duten erakusketa ikustera joateko tartea hartu zuten gehienek. Aurten, 250 lan jaso dituzte, eta guzti-guztiak ikusgai izango dira kultur etxeko ordutegian, abenduaren 30era bitarte.
Ikusi hemen aurtengo irabazleak nortzuk izan diren.
