60 lagunentzako zuten aurreikusia plazako estalpea; dagoeneko, ordea, gonbidapen guztiak amaituta, edukiera muga handituko zuen zerbaiten bila hasi da Hauspoa elkartea, eta baita aurkitu ere: Belabieta kiroldegiko kantxan izango da, beraz, bihartik aurrera gonbidapen gehiago aterako dituzte. Kantxan 200 lagun inguru sartuko direla aurreikusi dute. Gainerakoan eguna eta orduari dagokionez ez da aldaketarik izan: abenduaren 4an izango da, 19:30ean.
Oihana Iguaran, Ane Labaka, Haritz Mujika eta Julio Soto arituko dira bertsotan, Iker Iriarte gai jartzaile dutela, eta saioa musikatzen Gari Otamendi eta Ixak Arruti arituko dira.
