Agendan apuntatzeko hitzordu baten berri eman du Hauspoa kultur elkarteko euskara batzordeak: lau bertsolarik bertso saio musikatua eskainiko dute plazako aterpean, 19:30ean. Antolatzaileek esan dutenez, gonbidapen mugatuak dituzte, eta edukiera kontuengatik beste lekuren batean egitea aztertzen ari dira, jende gehiago sar dadin.
Oihana Iguaran, Ane Labaka, Haritz Mujika eta Julio Soto arituko dira bertsotan, Iker Iriarte gai jartzaile dutela, eta saioa musikatzen Gari Otamendi eta Ixak Arruti arituko dira. Saiora bertaratzeko aurrez gonbidapenak hartu beharko dira: Ibarrako kultur etxean edo Galtzaundiren egoitzan, Tolosan.
