Berri Txarrak taldeak kontzertua eskainiko du otsailaren 24an, Ibarrako Gaztetxean. Sarrerak hilaren 5ean jarriko dituzte salgai, 17:00etatik aurrera, gaztetxean bertan.
Berri Txarrak taldeak otsaila eta martxoa artean Euskal Herriko gaztetxeetan bira bat egingo duela iragarri du. Guztira 12 saio eskainiko dituzte eta horietako bat da Ibarrako Gaztetxea. Otsailaren 24an joko dute Ibarran, eta sarrerak bihar erosi ahal izango dira 17:00etatik aurrera gaztetxean bertan. Gehienez lau sarrera erosi ahal izango ditu pertsona bakoitzak.
"Kontzertuen historiala errepasatuta ikus daitekeenez, bi urte luze joan dira Euskal Herriko areto zein gaztetxeetan bira bat egin genuenetik (2017ko hasiera). Gogotsu gaude beraz, otsaila-martxorako iragarri ditugun 12 saio txiki hauei ekiteko, hauetako leku asko bereziak izan baitira gure ibilbidean", esan du taldeak.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!