Oro har, balorazio positiboa egin dute, eta parte hartzaile kopurua izan da irizpideetako bat: «Guztira, 200 herritar aritu dira euskara hutsean bizitzeko ahaleginean, eta azpimarratzekoa izan da ikastolako neska-mutilen, udal langileen nahiz herritarren gogoa», diote.
Galtzaundi euskara elkarteak balorazio galdetegi baten bitartez egindakoa, koaderno pertsonalekin egin dute Ibarran: norbere esperientziak idatzi dituzte bertan, parte hartzaileek, I barra-barrak zirauen egunetan.
Horrela, kanpainak eragin nabarmena izan duela ikusi dute, batetik, kontzientziari begira eta, horri lotuta, hizkuntza ohitura aldatzeko saiakeraren gorakadari begira.
Tolosan gurasoekin egindakoa, hainbat adin eta sektoretako herritarrekin egin zuten Ibarran, I barra-barra izenburupean. Bada, udalak ondorio garbi bat atera du: jarraipena eman behar zaiola egitasmoaren muinari.
Erlazionatuak
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!
EGIN ATARIKIDE!