Urtero errepikatu eta berritzen diren ohitura asko dira eskualdean, eta Ibarrako Izaskun auzoko jaietakoa da horietako bat. Zaldi lasterketa tradizio bilakatu da ia, eta hitzorduak gaur izan duen harrerari erreparatu besterik ez zaio egin behar, hala dela ikusteko.
Haurrek izan dute jakin-min gehien, betiko moduan, eta muga markatzen zuen zintaren ertz-ertzean jarri dira gehienak; zaldiak urrun zeudenean, batez ere. Trostaren soinuak errespetua sortzen baitu, baita helduenen belarrietan ere, eta hori leuntzen aritu da esatari berritsua, umorez. Zaldien beroketetako itxaronaldia arin egin die lasterketa ikustera bertaratu direnei, eta eguraldi umela izanagatik, ibartarrek sagardo eta pintxoz berdindu dute sabela, badaezpada ere.
Bihar eta etziko egitaraua hemen.