«Gustura» azaldu dira Hauspoa elkartetik igandean ospatutako Ibarra Azoka eta Piparra ekimenarekin. «Lehen balantzea positiboa da. Jende dezente izan zen, eta postuak jarri zituztenak, bai bertakoak baita kanpotik etorritakoak ere, gustura azaldu dira, iaz baino gehiago saldu baitute», azaldu du Jaione Bengoetxea elkarteko kideak. Piperra protagonista den bi lehiaketa gastronomikoetan ia sari guztiak eskualdetik kanpora joan dira.
Guztira 20 parte hartzaile izan ziren lehiaketa gastronomikoan. Piperradaren lehiaketan lehen sailkatuak Donostiako Ilunpe elkarteko Tomas Nuñez eta Jose Manuel Irigoien izan ziren, bigarren Joakin Arzadun eta Nikasio Riaño Lezoko Izkulin elkartekoak, eta hirugarren Donostiako Zubimuxu elkarteko Xabier Mendizabal eta Jose Juan Ijurko. Piperren pintxoei dagokionez, lehen saria Jose Luis Karrera eta Ibon Karrera Oreretako Euskaldunak elkartekoentzat izan da, bigarrenak Jose Manuel Zaldua eta Joseba Dravasa Tolosako Lainoa tabernakoak, eta hirugarrenak Joakin Arzadun eta Nikasio Riaño Lezoko Izkulin elkartekoak.
Beste lehiaketa bat ere egin zen, Tolosaldeko eztizaleena. Iñigo Erauskin berrobitarra izan zen irabazlea, bigarrena Jose Martin Beobide zizurkildarra eta hirugarren Iñigo Legarra tolosarra. Azoka San Bartolome plazan eta Emeterio Arresen egin zen, eta guztira 60 postu inguru izan ziren² elikagaiak, artisautza eta abereekin.
Tolosaldeko estizaleen lehiaketako saridunak.
Pintxo lehiaketako sardinak eta pintxo irabazlea.
Piperrada lehiaketako saridunak eta piperrada irabazlea.