Atzo gauean zabaldu zen iluntzean gertaturiko ezbeharra. Anbulantziak Ibarrara bertaratu ziren arren, ospitalera iritsi ondoren zendu zen zortzi urteko haurra. Gertakariaren berri zehatzik ez da, ordea, oraindik; Ertzaintza ikerketa lanetan ari da, eta txostena plazaratzen dutenean ezagutaraziko dituzte xehetasunak.
Bitartean, Ibarrako alkate Mikel Agirrezabalak adierazpenak eskaini dizkie komunikabideei, adierazpen gehiago egingo ez dituztela argituz. Batetik, "babes osoa" eskaini nahi izan dio Belauntzako familiari eta, era berean, "errespetua" eskatu du herritarren nahiz prentsaren aldetik. Gertakariaren harira, bi dolu egun ezarri dituzte Ibarran.