«Astelehenean jokalari bakarrarekin entrenatu genuen», dio Aitor Arevalo entrenatzaileak. Hurrengo entrenamenduan ez ziren gehiago, hiru besterik ez, eta larunbata gainean. Azkenean, zazpi jokalarirekin iritsi ziren ibartarrak Sala Quintoren aurkako lehiara. Iritsi, eta irabazi: 3-1.
Aitor Arevalok azaldutakoaren arabera, ibartarren garaipena defentsan oinarritu zen. Lan serio eta sendoa egin zuten moreek atze aldean, eta aukera izan zutenean aurretik jartzea lortu zuten markagailuan, Garmenen golarekin. 1-0 eta atsedenaldira.
Bigarren zatian gauzak maldan gora jarri ziren, lesioak taldea erabat murriztuta utzi baitzuten. Hala eta guztiz ere 2-0eko lortu zuen Txipik. Ibartarren atezainak geldiketa handiak egin zituen, baina honek ere partida utzi behar izan zuen lesionaturik. Gauzak horrela, aldaketa bakarrarekin gelditu zen Lauburu.
Aurkariak saiakera egin arren, ez zuen tartea murrizterik lortu. 30. minutua pasa berritan, etxekoak izan ziren berriro gola sartu zutenak, Uzkuduni esker. Sala Quintoren gola partida amaitzeko hiru minutu falta zirenean iritsi zen.
Hurrengo partida Ibararteren aurka jokatuko dute ibartarrek, eta entrenatzailearen kezka nagusia lesioak izango dira.
Horrez gain, Lauburu denboraldi txukuna egiten ari da, eta oraindik maila ez galtzea baldin bada helburu nagusia, beheko postuetatik urrundu eta gora begira jartzeko aukera badu Ibarrak. Horren inguruan galdetuta, Aitor Arevalok oinak lurrean, baina ausart hitz egiten du: «Denboraldi hasieran beti esaten dugu maila mantentzera joan behar degula, baina nire ustez, Ibarra bezalako talde batek gora begiratu behar du. Iaz seigarren egin genuen, eta aurten ere ahalik eta gorenen geratzen saiatu behar dugu».
Lauburu Ibarra 3
Sala Quinto 1
Sailkapena
1. Colo Colo 28p
2. Zierbena 24p
3. Debabarrena 23p
9. Ibarra 15p
16. Labastida 4p
Hurrengo jardunaldia
Ibararte (13)-Ibarra (9)