Urdelar biltokia arduratu da otsailaren 14ko egitarauaz osatzea. Txapel tailerrarekin abiatuko dute egun horretako mozorro festa, 11:30etan, plazan. Antolatzaileek txantxoz janzteko deia egin diete herritarrei. Horretarako, alkandora edo txilaba eta galtza ilunak jantzita eraman beharko dituzte, eta txapelak tailerrean bertan egingo dituzte.
Jantziak osatu ostean, 12:30etan, dantzan eta txintxarriak joz zeharkatuko dute herria, eta 13:30etan, bazkaria egingo dute kontzeju tabernan. Interesa dutenek otsailaren 10a baino lehen eman beharko dute izena. Umeen menuak 10 euroko prezioa izango du, eta helduena 20 eurokoa.