Igandean, hilak 12, Brasilgo Pandeiroaren doinuak itzuliko dira Elduainera. Izan ere, otsailean egin zuen bezala Tamima Brasil perkusio jotzaileak, ikastaro berri bat eskainiko du Elena Diz andaluziarrarekin batera. 12:00etatik 13:30era izango da Elduaingo kultur etxean.
Ikastaroak 20 euroko kostua izango du; elduaindarrek 10 euro ordaindu beharko dituzte, eta izena eman nahi dutenek 635 748 486 (Goretti) telefonora deitu beharko dute.
IKASTAROA ETA KONTZERTUA
Tamima Brasil eta Elena Dizek Elduain bisitatzen duten bigarren aldia da honakoa; otsailean ere Euskal Herrian izan ziren euren proiektuak garatzen. Orduan beste ikastaro bat eskaini zuten, baina oraingoan ere maila guztietara zabalik dagoen ikastaroa eskainiko dute. Izan ere, lehen ikastaroan pandeiroaren historia eta ibilbidearen berri eman zuten, baina bigarren ikastaro honetan azalpen teoriko gutxiago emango dute, eta hortaz, praktika gehiago landuko duten.
Halaber, aipatu, larunbatean, hilak 11, Tamima Brasilek eta Elena Dizek kontzertua eskainiko dutela 22:30ean, Tolosako Eguzki tabernan. Izan ere, Dizek eta Brasilek bikote musikala ere osatzen dute, eLeTá proiektuan gauzatzen dena.