Martxoaren 8a iragartzeko askotariko jarduerak antolatu ditu Saiaz Mankomunitateak biltzen dituen herrietan, eta egin dute lehena: Esne berriketan bertso saio musikatua. Bidania-Goiazko udaletxean egin zuten saioa, eta hainbat herritar bertaratu ziren eskaintzaz gozatzera.
Bertso saioak Uxue Alberdiren Esne berriketan liburua du oinarri, eta Amorante musikariaren zuzeneko musikaren laguntzarekin abestu zituzten bertsoak Oihana Iguaran eta Nerea Elustondo bertsolariek, Alberdik berak gaiak jarrita.
Iguaran eta Elustondo bertsolariak jendaurrean. SAIAZ MANKOMUNITATEA
