Etxetik kanpora lana egin nahi zuen lehen haurra izan, eta etxean geratu zenean. Lumagorrik ekoizle berriak behar zituela enteratu, harremanetan jarri, eta beraiekin lanean hasteko aukera izan zuen Arantxa Mayozek. Bidania-Goiazko Apako baserrian hazten ditu.
Hemeretzi urte pasa dira orduz geroztik, eta oilaskoak hazi eta hazi jarraitu du. Hiru seme-alaba hazi, eta etxetik kanpo lan egiteko aukera ematen dio: "Askatasun handia dut. Ordutegi librea da, eta garrantzi handia ematen nion nire seme-alabak nirekin egoteari".
Egun bateko txitak hartzen ditu, eta txanda bakoitzean, 4.000 oilasko hazten ditu. Hiru hilabete behar izaten dituzte Lumagorri oilaskoek jateko moduan jartzeko, eta behin txanda bat salduta, hiru astera sartzen ditu beste 4.000 txita.
Hazkuntza prozesua guztiz naturala dutela dio Mayozek, eta oilasko hauen ezaugarri berezietako bat belardi zabalean ibiltzen direla da. "Aske bizi dira gure oilaskoak, eta beti beraien ongizatea zainduz"
Egunero egiten die bisita oilaskoei. "Bi edo hiru aldiz egiten diet bisita, nola dauden begiratzeko eta lanak egiteko", azaldu du Mayozek.
Baserrietatik "kalitate handiko produktuak ateratzen dira", azpimarratu du Mayozek, eta "gehiago baloratu beharko lirateke".