Berrobin dago Lesmesen txerria eta bertan lan egiten du Mikel Belauntzaranek. Maite du baserria eta baserriko lana. Ikasketetarako gogo handirik ez, eta umetatik gustuko duen lanari helduta pozik ari da, nahiz eta, oso lan lotua den.
Gustura dago salmentekin. Hori bai, urteetan egindako sare bat egina du salmentarako.
Garbi du lana ondo eginez gero eta kalitatezko produktu bat eginez gero, ondo saltzen dela. Baina, hori bai, "gauza guztiak gora egiten du, argiak, pentsuak,... eta haragia prezio berdinean dago. Ez zaigu marjinarik geratzen, eta komeriak datoz hemen".
Bertako haragia kontsumitzeko eskatu die herritarrei, "kalitate handiko" haragia dagoelako hemen.
Bukatzeko, bai gurasoei eta baita emazte eta haurrei ere eskerrak eman dizkie, beti alboan izateagatik.