Ion Celestino • Broken Brothers Brass Band taldeko tronpeta jotzailea

In the Mud da talde jendetsu honen azken diskoaren izena. Batek baino gehiagok egingo zuen lotura Glenn Miller tronboi jotzaile eta orkestra zuzendariaren In the Mood kantarekin, eta ez da kasualitatea.  
Broken Brothers Brass Band taldeak irekiko du, hain justu, Blues Gaua. Kalejira eskainiko dute lehenik, eta ondoren, bere azken laneko kantak eskainiko dituzte Atxulondo tabernan, 23:30etik aurrera. Kaleko taldea dira batez ere, hori dio Ion Celestino tronpeta jotzaileak; denbora luzez kalean jotzen zuten bakarrik. Orain bi lan dituzte; In the Mud (Errabal, 2014), eta The Life We Deserve (Errabal, 2012).