Aritz Ganboa artzainak hitzaldia eskainiko du bihar Berastegin, 19:00etan, Sakanan martxan jarri duten esperientzia kontatzeko. Tolomendi Landa Garapen Elkarteak antolatu du ekimena. Ganboarekin batera Iker Elosegi egongo da udaletxeko aretoan.
Tolomendik, Tolosaldeko Landa Komunitateen Garapenerako Programa berria osatzeko asmoa dauka. Udazkenean ekingo dio lan horri, baina aurrez, bi girotze saio antolatu ditu. Lehena ekainaren 13koa izango da, eta bigarrena ekainaren 28koa, kasu honetan Amasan.
Hitzaldi inspiratzaile hauetan izena emateko tolomendi@tolomendi.eus helbidera idatze behar da, edo 943655097 zenbakira deitu.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!